لاہور: امیر جماعت اسلامی سراج الحق نے کہا ہے کہ جمہوری دور میں ایف آئی آر کٹوانا بھی مشکل ہوگیا ہے، ایف آئی آرکےلیےلوگ ریلیاں اور دھرنے دینے پر مجبور ہوجاتےہیں۔
امیر جماعت اسلامی سراج الحق لاہور میں مقتول کارکن کی نماز جنازہ سے پہلے صحافیوں سے گفتگو کررہے تھے انہوں نے مزید کہا کہ اگر جماعت اسلامی کے کارکن کے قتل کی تحقیقات میں تاخیر کی گئیں تو یہ گمان حقیقت میں تبدیل ہو جائے گا کہ کارکن کے قتل میں بڑے اور بااختیار لوگ ملوث ہیں۔
بعد ازاں جماعت اسلامی کے رکن تنویر کی نماز جنازہ ادا کر دی گئی نماز جنازہ امیر جماعت اسلامی سراج الحق نے پڑھائی اس موقع پر پنجاب اسمبلی میں قائد حزاب اخلتلاف اور تحریک انصاف کے صوبائی رہنما محمود الرشید سمیت دیگر سیاسی جماعتوں کے نمائندوں، جماعت اسلامی کے کارکنان و رہنما اور مقتول کارکن کے لواھقین سمیت علاقہ مکینوں کی کثیر تعداد نے شرکت کی۔
اس موقع پر امیر جماعت اسلامی پاکستان اور سینیٹر سراج الحق کا کہنا تھا کہ ہمارے مقتول کارکن کی ایف آئی آر درج نہیں کی جا رہی ہے نہایت شرم کی بات ہے کہ جمہوری دور میں ایف آئی آر کٹوانا بھی مشکل ہوگیا ہے اب کیا ایک ایف آئی آر کٹوانے کے لیے دھرنے دیے جائیں گے اور ریلیاں نکالی جائیں گی؟
