site
stats
پاکستان

مری: مسافرکوسٹرکھائی میں جاگری، چھ افراد جاں بحق

مری : تفریحی مقام مری کے قریب بدقسمت مسافر کوسٹرگہری کھائی میں جاگری، حادثے میں دو خواتین سمیت چھ افراد جان سےگئے، آٹھ بچوں سمیت اٹھائیس افرادشدید زخمی ہیں۔

تفصیلات کے مطابق مری سے راولپنڈی جانے والی مسافر کوسٹر گہری کھائی میں جا گری، حادثہ ایکسپر یس وے شوالہ لنک روڈ پر پیش آیا، کوسٹر میں ایک ہی خاندان کے پینتیس افراد سوارتھے۔

حادثہ کوسٹر کے بریک فیل ہوجانے کے باعث پیش آیا، اندوہناک سانحے میں دو خواتین سمیت چھ افراد جاں بحق ہوگئے جبکہ 8بچوں سمیت 28افراد زخمی ہیں، مسافروں کاتعلق منڈی بہاؤالدین سے بتایا جارہاہے۔

اطلاع ملتے ہی ریسکیو اداروں کے اہلکاروں نے ہلاک ہونے والوں کی لاشوں اور زخمیوں کو اسلام آباد اور راولپنڈی کے اسپتالوں میں منتقل کیا، جہاں زخمیوں کو طبی امداد فراہم کی جا رہی ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top