The news is by your side.

Advertisement

مری میں خاتون سے بدتمیزی،نو ہوٹل گائیڈ گرفتار، دفعہ ایک سو چوالیس نافذ

مری : پولیس نے خاتون سے بدتمیزی کرنے والے نو ملزمان کو گرفتارکرکے دفعہ ایک سو چوالیس نافذ کردی، اب کوئی بھی ہوٹل گائیڈ یونیفارم اور نیم پلیٹ کے بغیر ڈیوٹی نہیں دے سکے گا۔

تفصیلات کے مطابق ملکہ کوہسار میں مہمانوں کے ساتھ ایک بار پھر ناروا سلوک کے واقعات پیش آنے لگے۔ گزشتہ روز مری میں خاتون سیاح سے بدتمیزی کا واقعہ سامنے آنے کے بعد مقامی انتظامیہ بھی حرکت میں آ گئی۔

پولیس نے خاتون سے بدتمیزی کرنے والے نو ملزمان کو گرفتارکرلیا۔ اس حوالے سے اسسٹنٹ کمشنر مری امتیاز احمد نےبتایا ہے کہ ہوٹلوں کے لیے دفعہ ایک سو چوالیس نافذ کردی گئی ہے۔

کوئی بھی ہوٹل گائیڈ یونیفارم اور نیم پلیٹ کے بغیر ڈیوٹی نہیں دے سکے گا۔ واضح رہے کہ اتوار کے روز مری میں ہوٹل ایجنسی کے ملازموں نے تفریح کے لیے آئےجوڑے کو تشدد کا نشانہ بنایاتھا، پولیس نے ملزمان کیخلاف مقدمہ تو درج کرلیا تھا لیکن کوئی کارروائی نہیں کی تھی۔

اس حوالے سے عینی شاہدین کا کہنا تھا کہ ہوٹل ملازمین نے ایک فیملی کی خواتین پر آوازیں کسیں جس پر تلخ کلامی ہوئی اور ملزمان نے سیاح خاندان کو دھکے دیئے۔

موقع پر موجود شہریوں اور ٹریفک پولیس اہلکاروں نے معاملہ رفع دفع کرایا، سیاحوں کا کا کہنا ہے کہ مقامی افراد چھوٹی چھوٹی باتوں پر پریشان کرتے ہیں اور اہل خانہ کے ساتھ ہونے کا بھی خیال نہیں کرتے، سیاحوں نے متعلقہ حکام سے اپیل کی ہے کہ واقعہ کے ذمہ داران کیخلاف سخت کارروائی کی جائے۔

مزید پڑھیں: مری میں خاتون سیاح پر ہوٹل مالکان کے تشدد کا واقعہ، ملزمان کے خلاف مقدمہ درج

واضح رہے کہ اس سے قبل مری میں اس طرح کے واقعات کیخلاف سوشل میڈیا پر کامیاب مہم کے بعد عوام نے مری کا بائیکاٹ کردیا تھا، جس کے باوجود ایجنٹوں کا رویہ تبدیل نہیں ہوا ہے۔

Comments

comments

یہ بھی پڑھیں