کراچی: عالمی یوم ماحولیات پر مشیر ماحولیات و ساحلی ترقی سندھ مرتضیٰ وہاب کا کہنا ہے کہ گلوبل وارمنگ دراصل گلوبل وارننگ ہے، گلوبل وارمنگ اور موسمیاتی تبدیلی کا آسان حل شجر کاری ہے۔
تفصیلات کے مطابق عالمی یوم ماحولیات پر مشیر ماحولیات و ساحلی ترقی سندھ مرتضیٰ وہاب نے اپنے پیغام میں کہا کہ عوام ماحول دوستی کو اپنائیں اور اسے بہتر بنائیں۔
مشیر ماحولیات کا کہنا تھا کہ ماحول کی بہتری کے لیے ہر ایک کو اپنا کردار ادا کرنا ہوگا، گلوبل وارمنگ دراصل گلوبل وارننگ ہے، گلوبل وارمنگ اور موسمیاتی تبدیلی کا آسان حل شجر کاری ہے۔
مرتضیٰ وہاب کا کہنا تھا کہ درخت گرمی کی شدت کو کم کرتے ہیں اور موسم میں ٹھہراؤ لاتے ہیں، اپنے اور آنے والی نسلوں کے لیے درخت لگائیں اور ماحول بچائیں۔
Comments
- Advertisement -
