کراچی : ترجمان سندھ حکومت مرتضیٰ وہاب کا کہنا ہے کہ اومی کرون کراچی میں آچکا ہے تاہم حالات کنٹرول میں ہیں، فی الحال لاک ڈاؤن کا کوئی فیصلہ نہیں کیا، حکومت نہیں چاہتی کہ سخت فیصلےکئےجائیں۔
تفصیلات کے مطابق ترجمان سندھ حکومت اور ایڈمنسٹریٹر کراچی مرتضیٰ وہاب نے پریس کانفرنس کرتے ہوئے کورونا کیسز کے حوالے سے کہا کہ کوروناکازورٹوٹ گیا تھا تو لوگوں نے سوچا ویکسین کی ضرورت نہیں، اب تک29ملین لوگ خودکوویکسین لگواچکےہیں، ہماری کل آبادی تقریباً5کروڑہے۔
مرتضیٰ وہاب کا کہنا تھا کہ شہری ایس اوپیزکاخصوصی خیال رکھیں، ڈاکٹرزنےکہااومی کرون سےبچنےکیلئےبہترطریقہ ماسک کااستعمال ہے، احتیاط کے ساتھ ویکسین بھی ضرور لگوائیں۔
ترجمان سندھ حکومت نے کہا کہ حکومت نہیں چاہتی کہ سخت فیصلےکئےجائیں، عوام کوبھی حکومت کاساتھ دیناہوگا، عوام سماجی محفلوں میں ایس اوپیزکاخیال رکھیں۔
انھوں نے بتایا کہ اومی کرون کراچی میں آچکا ہے مگر حالات کنٹرول میں ہیں، فی الحال لاک ڈاؤن کا کوئی فیصلہ نہیں کیا ، چاہتےہیں چیزیں نارمل انداز میں ایس او پیز کے ساتھ چلیں،مرتضیٰ
وفاقی حکومت پر تنقید کرتے ہوئےایڈمنسٹریٹر کراچی کا کہنا تھا کہ پی ٹی آئی کےپی میں8سال سےاقتدارمیں ہے، پی ٹی آئی والےکہتےہیں دودھ شہدکی نہریں بہادی، صحت کارڈبہت بڑافراڈہےجوپی ٹی آئی شروع کررہی ہے، حکومتوں کاکام اسپتالوں کواحسن اندازسےچلاناہے، اسپتال اچھےسےچل رہےہوں تولوگ آسانی سےعلاج کراسکتے ہیں۔
مرتضیٰ وہاب نے کہا کہ خیرپور کی چھوٹی سی تحصیل میں کڈنی ، لیورٹرانسپلانٹ مفت ہوتا ہے ، پورے پاکستان سے لوگ ، اخراجات سندھ حکومت برداشت کرتی ، گمبٹ میں 11افرادکابون میروٹرانسپلانٹ کیاجاچکاہے، ٹرانسپلانٹ کےبعددواؤ ں کےاخراجات بھی حکومت سندھ برداشت کرتی ہے۔
ان کا مزید کہنا تھا کہ دنیامیں سائبرنائف آپریشن پر50ہزارسے90ہزارڈالرخرچ ہوتےہیں، جناح اسپتال میں تمام سائبرنائف آپریشن بلامعاوضہ کیےجاتےہیں، جناح اسپتال میں 13ہزار700سائبرنائف آپریشن کیےگئے۔
