لاہور: ترجمان پنجاب حکومت مسرت جمشید چیمہ کا کہنا ہے کہ پاکستان دیوالیہ ہونے کی نہج پر ہے اور کوئی عالمی ادارہ اسحاق ڈار کو قابل بھروسہ نہیں سمجھ رہا۔
تفصیلات کے مطابق ترجمان پنجاب حکومت مسرت جمشید چیمہ نے سماجی رابطے کی ویب سائٹ ٹوئٹر پر اپنے بیان میں کہا کہ پاکستان دیوالیہ ہونے کی نہج پرپہنچ چکا ہے اور کوئی عالمی ادارہ اسحاق ڈار کو قابل بھروسہ نہیں سمجھ رہا اور ہماری مدد کرنے کو تیار نہیں۔
مسرت جمشید چیمہ کا کہنا تھاکہ پاکستان بقا کے مسئلے سے دوچار ہے،الیکشن ہی مسئلے کا حل ہیں۔
پاکستان دیوالیہ ہونے کی نہج پر ہے.. کوئی عالمی ادارہ اسحاق ڈار کو قابل بھروسہ نہیں سمجھ رہا اور ہماری مدد کرنے کو تیار نہیں. اس وقت پاکستان بقاء کے مسئلے سے دوچار ہے اور الیکشن ہی اس مسئلے کا حل ہیں
— Musarrat Cheema (@MusarratCheema) January 6, 2023
ترجمان پنجاب حکومت نے ایک اور ٹوئٹ میں لکھا ‘زرمبادلہ کے ذخائر5.6ارب ڈالرسےکم رہ گئےہیں اور وزیر دفاع ملک کے اندھیروں میں ڈوب جانے کی خبر سناتے ہیں۔’
انھوں نے مزید کہا کہ ملکی سالمیت کیلئے اس چور ٹولے سے جان چھڑانے کی اشد ضرورت ہے، عوام پرمہنگائی کے بم گرانے والوں پر الیکشن سے فرار کے علاوہ کوئی راستہ نہیں، عوام کسی صورت انکی سیاسی چالبازی کو کامیاب نہیں ہونے دے گی۔
پاکستان کے زرمبادلہ کے ذخائر 5.6 ارب ڈالر سے کم رہ گئے ہیں. وزیر دفاع نہایت بےشرمی سے میڈیا پر آ کے کہہ رہا ہے کہ ملک اندھیروں میں ڈوب جائے گا. اس سیالکوٹی رنگ باز نے پہلے دھاندلی سے الیکشن جیتا اور اب اس کا دماغی توازن بھی بگڑ گیا ہے اور الٹ پلٹ بیانات دے رہا ہے.
— Musarrat Cheema (@MusarratCheema) January 6, 2023
