اسلام آباد: حریت رہنما یاسین ملک کی اہلیہ مشال ملک کا کہنا ہے مقبوضہ کشمیر میں بھارتی مظالم کے خلاف دنیا بھر میں احتجاج کیا جا رہا ہے۔
تفصیلات کے مطابق کشمیری رہنما مشال ملک نے کہا کہ مقبوضہ کشمیر میں بھارت کا ظلم کئی دہائیوں سے جاری ہے، مقبوضہ کشمیر کا مسئلہ پوری دنیا سے جڑا ہوا ہے۔
مشال ملک نے کہا کہ کشمیریوں کی آزادی کی جدوجہد کی دنیا میں مثال نہیں ملتی، مقبوضہ کشمیر میں بھارتی مظالم کے خلاف دنیا بھر میں احتجاج کیا جا رہا ہے۔
کشمیری رہنما مشال ملک نے کہا کہ یاسمین ملک کومقبوضہ کشمیر میں ڈیتھ سیل میں رکھا گیا ہے۔
مقبوضہ کشمیرمیں 26ویں روز بھی کرفیو
واضح رہے کہ مقبوضہ کشمیر میں آج مسلسل 26ویں روز بھی کرفیو برقرار ہے اور مواصلات کا نظام مکمل پر معطل ہے، قابض انتظامیہ نے ٹیلی فون سروس بند کررکھی ہے جبکہ ذرائع ابلاغ پرسخت پابندیاں عائد ہیں۔
کشمیرمیڈیا سروس کے مطابق مواصلاتی نظام کی معطلی، مسلسل کرفیو اور سخت پابندیوں کے باعث لوگوں کو بچوں کے لیے دودھ، زندگی بچانے والی ادویات اور دیگر اشیائے ضروریہ کی شدید قلت کا سامنا ہے۔
