The news is by your side.

Advertisement

کشمیریوں نے عید قید تنہائی میں گزاری: مشال ملک

اسلام آباد: کشمیری حریت رہنما یاسین ملک کی اہلیہ مشال ملک کا کہنا ہے کہ کشمیریوں نے عید قید تنہائی میں گزاری ہے، بھارت کرونا وائرس کی آڑ میں بلیک آؤٹ کر کے کشمیریوں کا قتل عام کر رہا ہے۔

تفصیلات کے مطابق کشمیری حریت رہنما یاسین ملک کی اہلیہ مشال ملک کا کہنا ہے کہ مقبوضہ کشمیر کی موجودہ صورتحال پر شدید تشویش لاحق ہے، بھارت کرونا وائرس کی آڑ میں بلیک آؤٹ کر کے کشمیریوں کا قتل عام کر رہا ہے۔

مشال ملک کا کہنا تھا کہ کشمیر میں لاک ڈاؤن کے باعث خوراک کی شدید قلت ہے، یاسین ملک سمیت قید حریت رہنماؤں کی زندگی کو خطرات ہیں۔ مقبوضہ کشمیر میں کرونا مریضوں کو کوئی سہولت فراہم نہیں کی جارہی۔

انہوں نے کہا کہ کئی مہینوں سے لاک ڈاؤن نے کشمیریوں کی زندگی اجیرن کردی، بھارتی فورسز ظلم اور لاک ڈاؤن سے کشمیریوں کو نفسیاتی مریض بنا رہی ہے۔

مشال ملک کا کہنا تھا کہ کشمیریوں کی جدوجہد ظلم و ستم اور جبر کے باوجود بھی جاری ہے، مودی حکومت مسلم دشمن ایجنڈے پر عمل پیرا ہے۔ کشمیریوں نے عید قید تنہائی میں گزاری۔ عالمی ادارہ صحت مقبوضہ کشمیر میں صحت سہولیات کا جائزہ لے۔

Comments

یہ بھی پڑھیں