اسلام آباد: وزیراطلاعات فواد چوہدری کی سینیٹ اجلاس میں آمد پر ن لیگ کے سینئر رہنما مشاہد اللہ خان برہم ہوگئے.
تفصیلات کے مطابق فواد چوہدری کی سینیٹ کے اجلاس میں شرکت پر مشاہد اللہ خان اور اوپوزیشن کی جانب سے شدید احتجاج کیا گیا.
مشاہد اللہ خان کا کہنا تھا کہ حکمران ایوان میں غلط بیانی سے کام لیتے ہیں، حکمرانوں کو معلوم ہی نہیں کہ حکومت میں بیٹھے ہیں.
اس موقع پر رضا ربانی نے کہا کہ جب تک سوالوں کےجواب نہیں ملیں گے، ایوانوں میں نہیں بیٹھیں گے. بعد ازاں ارکان نے احتجاجاً واک آؤٹ کیا۔
فواد چوہدری نے اپوزیشن کے واک آؤٹ پر کہا کہ میں نے پہلے ہی کہا تھا کہ میں خود نہیں نکلوں گا، انھیں نکلواؤں گا۔
مزید پڑھیں: بڑے کرپٹ لوگوں کو گردنوں سے پکڑیں گے‘ فواد چوہدری
سینیٹ کے اجلاس میں بجٹ پربحث نہیں سمیٹی جاسکی، اپوزیشن کےاحتجاج کےبعدچیئرمین سینیٹ کواجلاس ملتوی کرنا پڑا.
یاد رہے کہ چند روز قبل وزیر اطلاعات نے پیپلزپارٹی اور ن لیگ پر براہ راست الزامات لگاتے ہوئے بدعنوان افراد کو الٹا لٹکانے کا مطالبہ کیا تھا، جس پر شدید بدمزگی ہوئی.
آج وزیر اطلاعات کی سینیٹ آمد کے موقع پر اپوزیشن ارکان نے شدید احتجاج کرتے ہوئے واک آؤٹ کیا.