اسلام آباد : وفاقی وزیر برائے ماحولیاتی تبدیلی مشاہد اللہ کا کہنا ہے کہ چیئرمین سینیٹ کیلئے ابھی تک کوئی نام فائنل نہیں ہوا، کوشش کریں گے ایسا امیدوار لائیں جس پر سب کو اتفاق ہو۔
تفصیلات کے مطابق وفاقی وزیر برائے ماحولیاتی تبدیلی مشاہد اللہ نے میڈیا سے گفتگو کرتے ہوئے کہا کہ چیئرمین سینیٹ کیلئے ابھی تک کوئی نام فائنل نہیں ہوا، مشاہداللہ چیئرمین شپ کیلئےاتحادیوں سے مشاورت جاری ہے، کوشش ہے ایسا امیدوار لائیں جس پر سب کو اتفاق ہو۔
مشاہد اللہ کا کہنا تھا کہ ایسا امیدوار آنا چاہیے جو پارلیمانی سسٹم پرسمجھوتہ نہ کرے ، فاٹا کے 2ارکان ہمارے ساتھ ہیں دیگر سے بات چل رہی ہے، وہ ہمارےساتھ ہیںبلوچستان والے جہاں کھڑے ہیں وہ خودی کوبلند کریں۔
آصف زرداری کے حوالے سے وفاقی وزیر نے کہا کہ ہوسکتا ہے آصف زرداری کو احساس ہو جائے وہ جو کر رہے ہیں ٹھیک نہیں، جس دن آصف زرداری کو احساس ہو گیا ان سے رابطہ کر لیں گے ، تینوں اتحادی جماعتوں کے سربراہ نے کوئی مطالبہ نہیں رکھا۔
مزید پڑھیں : (ن) لیگ سینیٹ الیکشن میں مطلوبہ نتائج حاصل کرنے میں کامیاب رہی، مشاہد اللہ
یاد رہے 3روز قبل سینیٹ الیکشن سے متعلق تبصرہ کرتے ہوئے مشاہد اللہ خان کا کہنا تھا کہ (ن) لیگ سینیٹ الیکشن میں مطلوبہ نتائج حاصل کرنے میں کامیاب رہی، آزاد حیثیت سے حصہ لینے والے نمائندوں کی کامیابی نواز شریف کی قیادت پر اعتماد کا ثبوت ہے، مخالفین کے عزائم ناکام ہوگئے۔
اس سے قبل مشاہداللہ خان نے عدلیہ پر تنقید کرتے ہوئے کہا تھا کہ آپ نے وزیر اعظم سے توہٹادیا مگروہ اوربھی مضبوط ہوگئے، نواز شریف کا راستہ روکنے والے نہیں روک سکے، ججز سے کہتا ہوں آپ اپنا کام کریں اور ہمیں اپنا کام کرنے دیں، بصورت دیگر پارلیمنٹ کو ایکشن لینا پڑے گا۔
