اسلام آباد :مسلم لیگ ن کے رہنما مشاہداللہ نے کہا ہے کہ وفاق حالت جنگ میں ہے اور سندھ حکومت حالت بھنگ میں ہے۔
ان خیالات کا اظہار انہوں نے سینیٹ میں اپنے خیالات کا اظہار کرتے ہوئے کیا، تفصیلات کے مطابق مسلم لیگ ن کے رہنما مشاہداللہ کی زبان پھر لڑکھڑاگئی۔
ڈپٹی چیئرمین سینیٹ مولانا عبد الغفور حیدری کی سربراہی میں ہونے والے اجلاس میں تقریر کرتے ہوئے کہا کہ وفاق حالت جنگ میں ہے اور سندھ حکومت حالت بھنگ میں ہے۔ یہ سنتے ہی پیپلزپارٹی ارکان نے ایوان میں ہنگامہ کھڑا کردیا۔
ایوان مچھلی بازار بن گیا۔ جیالےر اراکین طیش میں آکر مشاہد اللہ پرچڑھ دوڑے۔ شوشراباکرنے کے بعد اپوزیشن واک آؤٹ کرگئی۔
مشاہدہ اللہ خان پھربھی اڑے رہے جس پرخواجہ سعد رفیق کوبیچ میں آنا پڑا۔ سعد رفیق کے سمجھانےبجھانےپر مشاہد اللہ کو بھی ہوش آیا۔ معافی مانگ کرالفاظ واپس لےلئے۔
بعد ازاں ڈپٹی چیئرمین سینیٹ نے سینیٹر مشاہد اللہ کے الفاظ کارروائی سے حذف کر دیئے۔ واضح رہے کہ سینیٹرمشاہد اللہ اس سے پہلے جنرل ریٹائرڈ ظہیرالاسلام پرساز ش کاالزام لگاکراپنی وزارت سے ہاتھ دھو چکے ہیں۔
