کراچی : سابق صدر جنرل (ر) پرویزمشرف کی دبئی روانگی کیلئے سیٹ کنفرم ہوگئی، سابق صدر کی روانگی آج رات متوقع ہے۔
سابق صدر پرویز مشرف کا نام ای سی ایل لسٹ سے نکالنے کے لیے وفاقی حکومت کی جانب سے نوٹی فیکیشن جاری کردیا گیا ہے جس کے بعد سابق صدر کی روانگی آج رات متوقع ہے ۔
نوٹی فیکیشن کے متن کے مطابق پاکستان کے سابق صدر جنرل ریٹائرڈ پرویز مشرف کا نام ای سی ایل لسٹ سے خارج کردیا گیا ہے ، متن میں پرویز مشرف کا پاسپورٹ نمبر 0848364درج ہے ۔
بیرون ملک جانے کیلئے سابق صدر پرویز مشرف کی سیٹ کنفرم ہوگئی ہے وہ امارا ت ائیر لائنز کی پرواز ای کے 611سے صبح چار بجے کراچی سے دبئی کے لیے روانہ ہو نگے ۔
سابق صدر جنرل (ر) پرویزمشرف کا کہنا ہے کہ علاج کیلئے باہرجارہاہوں واپس ضرور آؤں گا۔
