تازہ ترین

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

وفاقی حکومت نے آٹا برآمد کرنے کی اجازت دے دی

وفاقی حکومت نے برآمد کنندگان کو آٹا برآمد کرنے...

ٹوئٹر کے ویریفائیڈ صارفین کے لئے بڑی خبر آگئی

سان فرانسسكو: ٹوئٹر نے ویریفائیڈ صارفین سے 8 ڈالر ماہانہ وصول کرنے کا اعلان کردیا۔

تفصیلات کے مطابق ٹوئٹر کے نئے مالک الیون مسک نے اعلان کیا ہے کہ ہ ٹوئٹر صارفین کے اکاؤنٹس کی تصدیق کیلئے ماہانہ آٹھ ڈالر وصول کئے جائیں گے۔

الیون مسک نے کہا کہ نیلا نشان ہونے کا موجودہ لارڈ اور پیزنٹ نظام فضول ہے، نیا منصوبہ ٹوئٹر کو مواد تخلیق کرنے والوں کو دینے کیلئے آمدنی کا سلسلہ دے گا۔

مین پوسٹ کا جواب دینے اور تلاش کرنے میں ترجیح بھی شامل کی جائے گی ، اس ترجیح کو شامل کرنے کا مقصد جعلسازی کو روکنا ہے۔

چند روز قبل یہ اطلاع سامنے آئی تھی کہ ٹوئٹر پر بلو ٹک طریقہ میں تبدیلی ہونے والی ہے اور آئندہ ٹوئٹر اکاؤنٹ ویریفیکیشن کے لیے 20 ڈالر ادا کرنے پڑیں گے۔

یاد رہے ٹوئٹر کے نئے مالک ایلون مسک نے ٹوئٹر کے بلیو ٹک والے صارفین پر فیس عائد کرنے کے لیے نیا سسٹم متعارف کروایا تھا۔

ایلون مسک نے فیس عائد کرنے کے لیے انجینئرز کو 7 نومبر کی ڈیڈ لائن دی تھی، ڈیڈ لائن تک پروجیکٹ پورا نہ کرنے کی صورت میں مسک نے انجینئرز کو برطرف کرنے کی وارننگ بھی دی۔

واضح رہے کہ ایلون مسک نے ٹوئٹ میں کہا تھا کہ ٹوئٹر اکاؤنٹ کے تصدیقی طریقہ کار کو نئے سرے سے بنایا جارہا ہے۔

دنیا کے سب سے امیر شخص ایلون مسک نے ٹوئٹر خریدنے کے بعد سوشل میڈیا پلیٹ فارم میں تبدیلیاں لانے کا اعلان کیا تھا اور کہا تھا کہ بلیو ٹک کے علاوہ ٹوئٹر کےدیگر فیچرز پر بھی فیس عائد کی جائے گی۔

Comments

- Advertisement -