تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

ویمن پولیس اسٹیشن کے لاک اپ سے ملزمہ مسکان فرار، ایس ایچ او معطل

کراچی: لیاقت آباد ویمن پولیس اسٹیشن سے مسکان نامی ملزمہ کے فرار پر ویمن تھانے کی ایس ایچ او کو معطل کر دیا گیا، جب کہ 3 اہل کاروں کے خلاف مقدمہ درج کر لیا گیا۔

تفصیلات کے مطابق کراچی میں لیاقت آباد ویمن پولیس اسٹیشن سے ملزمہ مسکان کے فرار کے معاملے میں ایس ایس پی سینٹرل کی ہدایت پر ایس پی لیاقت آباد نے تحقیقات مکمل کر لی، پولیس تحقیقات میں ویمن پولیس اسٹیشن کے عملے کی غفلت سامنے آ گئی۔

ویمن پولیس اسٹیشن کی 2 خواتین پولیس کانسٹیبلز اور ایک اہل کار کے خلاف مقدمہ درج کر لیا گیا، جس میں سپاہی عروج کرن، سپاہی ردا فاطمہ اور سپاہی ریحان پاشا کو نامزد کیا گیا ہے، جب کہ ایس ایچ او ویمن پولیس اسٹیشن ارم کو معطل کر دیا گیا ہے۔

ملزمہ مسکان کو نیو کراچی انڈسٹریل ایریا پولیس نے چوری کے کیس میں گرفتار کیا تھا، لاک اپ پر موجود خواتین پولیس اہلکاروں نے غفلت برتتے ہوئے گیٹ کھول دیا تھا، لاک اپ کا گیٹ کھلتے ہی ملزمہ مسکان دھکا دے کر تھانے سے فرار ہو گئی۔

تحقیقات میں معلوم ہوا کہ تھانے کے گیٹ پر تعینات پولیس اہلکار ریحان پاشا نے بھی ملزمہ کو روکنے کی کوئی کوشش نہیں کی۔ پولیس حکام کا کہنا ہے کہ ملزمہ کے فرار کے بعد تاحال تلاش جاری ہے، اور ابھی تک دوبارہ گرفتاری عمل میں نہیں آ سکی ہے۔

Comments

- Advertisement -