The news is by your side.

Advertisement

سعودی عرب، خلیجی ریاستوں، یورپ، امریکا میں آج عیدالاضحیٰ منائی جا رہی ہے

مکہ مکرمہ: سعودی عرب، متحدہ عرب امارات ودیگر خلیجی ریاستوں سمیت یورپ اور امریکا میں آج عیدالاضحیٰ مذہبی جوش وجذبے سے منائی جا رہی ہے۔

تفصیلات کے مطابق سعودی عرب، فلسطین، اردن اور متحدہ عرب امارات سمیت خلیجی ریاستوں میں آج عیدالاضحیٰ منائی جا رہی ہے، سعودی عرب سمیت خلیجی ممالک میں نماز عید کے اجتماعات ہوئے اور مسلمانوں نے سنت ابراہیمی کی پیروی کرتے ہوئے جانوروں کی قربانی کی۔

مکہ مکرمہ میں مسجد الحرام میں حجاج کرام سمیت مسلمانوں کی بڑی تعداد نے نماز عید ادا کی۔ امام کعبہ نے نماز عید کے خطبے میں فلسفہ قربانی کی اہمیت پر روشنی ڈالی اور مسلمانوں کو حضرت محمدﷺ کے اسوہ حسنہ پر عمل کرنے کی ہدایت کی۔

مسجد نبویﷺ میں بھی عیدالاضحیٰ کی نمازادا کی گئی جس میں ہزاروں فرزندان اسلام نے شرکت کی۔

انڈونیشیا، جاپان، ملائیشیا، افغانستان، برطانیہ سمیت یورپی ممالک اور امریکا میں بھی نماز عید کی ادائیگی کے بعد سنت ابراہیمی ادا کی گئی۔

کینیڈین وزیراعظم جسٹن ٹروڈو نے سماجی رابطے کی ویب سائٹ ٹویٹر پر بیان جاری کرتے ہوئے مسلمانوں کو عید کی مبارکباد دی اور ان کے لیے نیک تمناؤں کا اظہار کیا۔

واضح رہے کہ پاکستان، بھارت اور بنگلہ دیش سمیت دیگر ممالک میں مسلمان کل عیدالاضحیٰ منائیں گے۔

Comments

comments

یہ بھی پڑھیں