فصاحت و بلاغت کا مرقع اگر کوئی زبان ہے تو وہ عربی ہی ہے، اس کے عالمی دن کے موقع پر سعوی حکام نے خصوصی اہتمام کیا۔
عربی جسے جنت کی زبان کہا جاتا ہے اس کے عالمی دن کے موقع پر سعوی حکام نے اسے منانے کا خصوصی اکیا اور دنیا کو بتایا کہ ہمیں اس زبان سے محبت ہے، محکمہ پاسپورٹ نے بدھ 18 دسمبر2024 کو عربی زبان کے عالمی دن کے موقع پر خصوصی مہر جاری کی ہے۔
ایس پی اے کے مطابق سعودی وزارت داخلہ کے تحت محکمہ پاسپورٹ نے کنگ سلمان انٹرنیشنل اکیڈمی فار دی عربک لینگویج کے تعاون سے خصوصی مہر کا اجرا کیا، ’ہمیں اپنی زبان پر فخر ہے‘ کے نعرے کے تحت مسافروں کے پاسپورٹ پر خصوصی امیگریشن مہر لگائی جارہی ہے۔
سعودیہ کے انٹرنیشنل ایئرپورٹس پر آنے والے تمام ممالک کے مسافروں کے پاسپورٹ پر عربی زبان میں کندہ مہر لگائی جارہی ہے جس کی تصویریں بھی سوشل میڈیا پر وائرل ہو گئیں۔
اپنی فصاحت و بلاغت اور حسن کلام کی وجہ سے عربی کا شمار خوبصورت ترین زبانوں میں ہوتا ہے، دنیا کی چھ بڑی زبانوں میں عربی کا شمار ہوتا ہے، دنیا میں سب سے زیادہ بولی جانے والی زبانوں میں چینی، انگریزی وغيره کے بعد عربی زبان پانچویں نمبر پر آتی ہے۔
یہ بات قابل ذکر ہے کہ 18 دسمبر 1973 کو اقوام متحدہ کی جنرل اسمبلی نے عربی زبان کو اپنی سرکاری زبانوں میں شامل کرنے کا فیصلہ کیا، 18 دسمبر 2012 کو پہلی مرتبہ عربی زبان کا عالمی دن منایا گیا۔
19 فروری 2010 کو اقوام متحدہ کے ادارے یونیسکو نے انسانی تہذیب اور ثقافتی ورثے کو محفوظ رکھنے میں عربی زبان کے اہم کردار کو تسلیم کرتے ہوئے 18 دسمبر کو عربی زبان کا عالمی دن قرار دیا۔
