The news is by your side.

Advertisement

دہشت گرد کہنے پر مصطفیٰ علی کا ناقدین کو منہ توڑ جواب

نیویارک: ڈبلیو ڈبلیو ای کے معروف ریسلر مصطفیٰ علی نے دہشت گرد کہنے پر ناقدین کو منہ توڑ جواب دے دیا۔

تفصیلات کے مطابق ڈبلیو ڈبلیو ای کے مقابلوں میں ہر ریسلر کا انٹری دینے کا اپنا ایک مخصوص انداز ہے کوئی روشنیوں کے ساتھ آتا ہے تو کوئی گروپ کی شکل میں نمودار ہوتا ہے اور کوئی بھاگتا ہوا رنگ میں داخل ہوجاتا ہے۔

مصطفیٰ علی جو پہلے جسم پر لائٹیں باندھ کر رنگ میں اترتے تھے اب انہوں نے اپنا انداز تبدیل کرتے ہوئے رنگ میں ایک گروپ کی شکل میں انٹری دینے کو ترجیح دی۔

وہ ایک گروپ کی شکل میں آتے ہیں جس میں ان کے ساتھ چھ لوگ موجود ہیں جنہوں نے اپنے چہروں کو ڈھانپ رکھا ہے اور مصطفیٰ علی ان کو لیڈ کررہے ہیں۔

مصطفیٰ علی کے اس انداز کی زیادہ تر مداحوں نے تعریف کی لیکن کچھ مداح ایسے بھی ہیں جنہوں نے ان کو تنقید کا نشانہ بنایا اور انہیں دہشت گرد ہی قرار دے دیا۔

ریسلر نے خاموشی توڑتے ہوئے ناقدین کو منہ توڑ جواب دیتے ہوئے صرف اتنا لکھا کہ ’یہ وہی ہیں۔‘

ایک مداح نیکا نے مصطفیٰ علی کو مخاطب کرتے ہوئے لکھا کہ ’مجھے بہت افسوس ہے آپ کو اس طرح کی تنقید کا سامنا کرنا پڑرہا ہے، آپ کے حقیقی مداح ہمیشہ آپ سے پیار کریں گے اور چاہے کچھ بھی ہوجائے ہمیشہ آپ سے پیار کریں گے۔

Comments

یہ بھی پڑھیں