کراچی : پی ایس پی کے چیئرمین مصطفیٰ کمال نے کہا ہے کہ بھارت نے پوری کوشش کی منی لانڈرنگ کیس لندن کی عدالت نہ جائے کیس فائل نہ ہونے پر بانی ایم کیوایم بچ گئے۔
ان خیالات کا اظہار انہوں نے اے آر وائی نیوز کے پروگرام اعتراض ہے میں میزبان عادل عباسی سے خصوصی گفتگو کرتے ہوئے کیا۔ انہوں نے کہا کہ بھارتی فنڈنگ سے بانی ایم کیوایم نے کراچی میں دہشت گردی کرائی۔
منی لانڈرنگ کیس میں بھارت ملوث تھا، بھارت نے پوری کوشش کی کہ منی لانڈرنگ کیس لندن کی عدالت نہ جائے، بھارتی دباؤ کی وجہ سے ہی منی لانڈرنگ کیس میں پیش رفت نہ ہوسکی۔
میں سمجھتا ہوں کہ اشتعال انگیز تقاریر کے مقدمے میں بھارت کو ملوث نہیں کیا جاسکتا، منی لانڈرنگ کیس فائل نہ ہونے پر بانی ایم کیوایم بچ گئے، بانی ایم کیوایم اب عالمی ایجنسیوں پر بوجھ بن چکے ہیں۔
ایک سوال کے جواب میں مصطفیٰ کمال نے کہا کہ سیاست میں آنے کا مقصد قوم کے مستقبل کو بچانا ہے، مسئلہ اختیار کا نہیں بلکہ کردار کا ہے۔
مزید پڑھیں : لندن پولیس نے بانی ایم کیو ایم کو ضمانت پر رہاکردیا
ایم کیو ایم کوٹہ سسٹم، سرکاری نوکریوں اور محصورین کی واپسی کیلئے بنی تھی،40سال بعد یہ مسائل آج بھی جوں کے توں ہیں، اگر40سال میں کیا کیا کا سوال کیا جائے تو وہ قوم کو نئی لال بتی کے پیچھے لگا دیتے ہیں۔
