حیدرآباد: چیئرمین پاک سر زمین پارٹی مصطفیٰ کمال نے کہا ہے کہ کراچی اور حیدرآباد کو اب تک وفاق سے کچھ نہیں ملا.
ان خیالات کا اظہار انھوں نے سندھ کے دوسرے بڑے شہر حیدر آباد میں پریس کانفرنس کرتے ہوئے کیا.
مصطفیٰ کمال کا کہنا تھا کہ اگر آج ملک میں سب سے زیادہ مسائل ہیں، تباہی ہے، تو صوبہ سندھ میں ہے.
چیئرمین پاک سر زمین پارٹی نے کہا کہ سب سے زیادہ تباہی بربادی کراچی اور حیدرآباد میں آئی ہے، آج کراچی بد ترین رہائش کا شہر بن گیا ہے.
مصطفیٰ کمال نے کہا کہ عمران خان صاحب آئے اورصرف دلاسے دے کر چلے گئے، وزیراعظم سے وزیراعلیٰ بات نہیں کرتے.
ان کا کہنا تھا کہ نہ تو کراچی کو کچھ ملا، نہ ہی حیدر آباد کے حصے میں کچھ آیا، وفاق نے سے فنڈز نہیں ملتے.
مزید پڑھیں: مصطفیٰ کمال غدار سے بڑھ کر، فاروق ستار چاہیں بھی تو واپس نہیں آ سکتے: وسیم اختر
مصطفیٰ کمال نے کہا کہ کے پی اور پنجاب کے وزیراعلیٰ کو بٹھا کر نیا بلدیاتی نظام نافذ کیا گیا، سندھ بلو چستان کے لیے کب بلدیات کا نظام ہوگا. عوام منتظر ہیں.
خیال رہے کہ 14 جون 2019 کو مصطفیٰ کمال نے اے آر وائی نیوز کے پروگرام میں گفتگو کرتے ہوئے کہا تھا کہ بھارت نے پوری کوشش کی منی لانڈرنگ کیس لندن کی عدالت نہ جائے کیس فائل نہ ہونے پر بانی ایم کیوایم بچ گئے.
