The news is by your side.

Advertisement

مصطفیٰ کمال کا لیاقت آباد میں عوامی اجتماع سے خطاب

کراچی : پاک سرزمین پارٹی کے سربراہ مصطفیٰ کمال نے کہا ہے کہ مجھ پر مہاجروں سے غداری کا الزام لگایا جاتا ہے کیونکہ میں سب کو ساتھ لے کر چلنے کی بات کرتا ہوں۔

ان خیالات کا اظہار انہوں نے ڈسٹرکٹ سینٹرل لیاقت آباد ٹاؤن کی یوسی35 میں  عوامی رابطہ مہم  کے موقع پر اجتماع سے خطاب کرتے ہوئے کیا۔

اس موقع پر پی ایس پی کے صدر انیس قائم خانی سمیت اراکین سینٹرل ایگزیکٹو کمیٹی، نیشنل کونسل اور ڈسٹرکٹ سینٹرل کے صدر عبداللہ شیخ کے علاوہ علاقہ مکینوں کی بڑی تعداد بھی موجود تھی۔

لیاقت آباد ٹاؤن میں عوامی اجتماع سے اپنے خطاب میں انہوں نے کہا کہ مصطفی کمال کو مہاجروں کا غدار اس لیے کہا گیا کیوں کہ وہ مہاجروں کے ساتھ تمام زبانیں بولنے والوں کو گلے لگانے کی بات کرتا ہے۔

اگر یہ کرنا جرم ہے تو میں مانتا ہوں کہ میں غدار ہوں انہوں نے بتایا کہ میں نے کراچی کے حلقے این اے 249 میں مفتاح اسماعیل کے مقابلے میں الیکشن لڑنے کا بھی فیصلہ کیا ہے۔

Comments

یہ بھی پڑھیں