site
stats
پاکستان

فاروق ستارایک آنکھ بند کر کے سمجھتے ہیں’’بلا‘‘ ٹل جائےگی، مصطفیٰ کمال

کراچی: پاک سرزمین پارٹی کے سربراہ مصطفی کمال نے کہا ڈاکٹر فاروق ستار کو الطاف حسین سے خطرہ ہے، اس خطرے سے بچنے کے لیے انہوں نے سیکیورٹی کے لیے خط لکھا ہے۔

پاک سرزمین پارٹی کے سربراہ مصطفی کمال کا کہنا ہے کہ ہر روز ایک نیا فیصلہ کرنے کی ضرورت کیا ہے، الطاف حسین کو جانتا ہوں وہ کسی کو قیادت نہیں دے سکتے، دعا ہے فاروق ستار کی کتابی باتیں من وعن ٹھیک ہوجائیں۔

مصطفیٰ کمال نے کہا کہ الطاف حسین کے منہ سے نکلاجملہ ایم کیوایم کا آئین ہے، یہ ایم کیوایم فاروق ستار کی نہیں، وہ اسے نہیں چلاسکیں گے، فاروق ستار ایک آنکھ بند کرکے سمجھتے ہیں ’’بلا‘‘ ٹل جائے گی۔

انہوں نے کہا کہ ذہنی دباؤ میں الطاف حسین ملک کیخلاف بیان کیوں دیتے رہے، فاروق ستار کی نیت پرشک نہیں کررہا،ان کی نیت صاف ہے، الطاف حسین نے توثیق کردی تھی تووہ ٹوئٹ کیوں کرارہے ہیں۔

مصطفی کمال کا کہنا تھا کہ ایم کیوایم میں آئین کو دیکھ کرکون کام کرتا ہے، ہم نے جو باتیں کیں وہ من وعن ٹھیک ثابت ہوئیں، سب سے بڑے شدت پسند تو الطاف حسین خود ہیں، فاروق ستار طالبان سے بچنے کے لیے خط نہیں لکھ رہے، فاروق ستار الطاف حسین سے بچنے کیلئے سیکیورٹی کا خط لکھ رہے ہیں۔

مصطفیٰ کمال نے کہا کہ الطاف حسین کے بعد کسی کا نام آنا موت کا پروانہ ہے، الطاف حسین آج بھی آپریشنل ہیں، جب میں سچ بولتا ہوں تو اس کی مذمت ہوجاتی ہے، فاروق ستار،خواجہ اظہار تعاون کرنے پرحراست سے آزاد ہوئے، رات بھر ویڈیو دیکھ کر دونوں نے کارکنان کی تصدیق کی، ان لوگوں کو الطاف حسین کی حقیقت معلوم ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top