کراچی: چیئرمین پاک سرزمین پارٹی مصطفیٰ کمال کا کہنا ہے کہ امریکا نے افغان مذاکرات میں بھارت کو مکھی کی طرح نکال پھینکا۔

تفصیلات کے مطابق پاک سرزمین پارٹی کے سربراہ مصطفیٰ کمال نے میڈیا سے بات چیت کرتے ہوئے کہا کہ مجھ پر نیب نے ریفرنس بنایا ہے، عنوان غیرقانونی الاٹمنٹ ہے، جبکہ ریفرنس میں ذکر ہی نہیں۔

انہوں نے کہا کہ اِیک نجی زمین کوسرکاری بندہ کیسے الاٹ کرسکتا ہے، بے ایمان ہوتا تومیرے بھی آمدن سے زائد اثاثے ہوتے۔

مصطفیٰ کمال نے کہا کہ امریکا نے افغان مذاکرات میں بھارت کو مکھی کی طرح نکال پھینکا۔ انہوں نے امید ظاہر کی کہ 13 اگست تک طالبان اور امریکا میں معاہدہ ہوجائے گا۔

چیئرمین پاک سرزمین پارٹی نے مودی سرکاری کے غیرقانونی اقدام سے متعلق کہا کہ کوئی بھی آئینی ترمیم کشمیر کی آزادی کو روک نہِیں سکتی۔

انہوں نے کہا کہ کراچی والے پیسہ کما کردیں، اورکچرا اٹھانے کے بھی پیسے دیں، صفائی روزانہ کا کام ہے، حکومت سندھ کو برا بھلا کہنے سے صفائی نہیں ہوسکتی۔