اسلام آباد : مصطفی نواز کھوکھر سینیٹ کی رکنیت سے مستعفی ہوگئے، جس کے بعد سینیٹ سیکریٹریٹ نے نشست خالی قرار دے دی۔
تفصیلات کے مطابق سینیٹر مصطفی نواز کھوکھر سینیٹ کی رکنیت سے مستعفی ہوگئے اور اپنااستعفیٰ چیئرمین سینیٹ کوجمع کرادیا، جس میں کہا ہے کہ سینیٹرفاروق ایچ نائیک کی ہدایت پر اپنا استعفیٰ پیش کررہاہوں۔
اس حوالے سے سینیٹ سیکریٹریٹ نے نوٹیفیکشن جاری کرتے ہوئے نشست خالی قرار دے دی، مصطفی نواز کھوکھر 2018 میں پیپلز پارٹی کی نشست پر سندھ سے سینیٹر منتخب ہوئے تھے۔
مصطفیٰ نواز کھوکھر نے سماجی رابطے کی ویب سائٹ ٹوئٹر پر اپنے بیان میں کہا کہ میں نےآج اپنااستعفیٰ باضابطہ طورپرپیش کردیاہے، میں پارٹی کیجانب سےمثبت ردعمل اورحمایت کیلئےشکرگزارہوں۔
Allhamdulillah, I have formally submitted my resignation today. I’m thankful for the positive response & support across party lines which was far beyond my imagination. 1/2 pic.twitter.com/glexHx13Dm
— Mustafa Nawaz Khokhar (@mustafa_nawazk) November 10, 2022
مصطفیٰ نواز کھوکھر کا کہنا تھا کہ سوچانہیں تھاکہ پارٹی ایسےسپورٹ کرےگی، لوگ میرےسیاسی مستقبل کےبارےمیں قیاس آرائیاں کررہےہیں۔
میں واضح طورپربتا دوں کہ میں کسی سیاسی جماعت میں شامل نہیں ہورہا، میں اپنی آزادی کوبرقراررکھنےکی بھرپورکوشش کروں گا۔
