لاہور : پنجاب میں بلدیاتی انتخابات کیلئے پی ٹی آئی اور جماعت اسلامی کے مذاکرات کامیاب ہوگئے، سیٹ ایڈجسٹمنٹ کا فارمولا طے پاگیا۔
تفصیلات کے مطابق لاہور کے حلقے این اے122 پر سیاسی جوڑتوڑعروج پر پہنچ گیا۔ پی ٹی آئی اور جماعت اسلامی کے مذاکرات کامیاب ہوگئے۔
حتمی فیصلہ سراج الحق کی رضامندی سے مشروط قرار پایا۔ لاہور کا حلقہ این اے ایک سو بائیس قومی سیاست کا بیرو میٹر بنتا نظر آ رہا ہے۔
پی ٹی آئی کی نظریں اس سیٹ پر لگی ہیں۔ ضمنی انتخاب میں حمایت حاصل کرنے کیلئے پی ٹی آئی نے جماعت اسلامی لاہورکی مقامی قیادت سےملاقات کی۔ چودھری محمدسرور،عبدالعلیم خان ،شفقت محمود اور میاں محمود الرشید پرمشتمل تحریک انصاف کاوفد منصورہ پہنچا۔
جہاں ان کی ملاقات جماعت اسلامی لاہورکےامیر میاں مقصودکی سربراہی میں جماعت کےمقامی قائدین سےہوئی۔
ملاقات کے بعد میڈیاسےگفتگوکرتےہوئےمیاں مقصود کاکہناتھاکہ تحفظات بڑی حدتک دورہوگئے ہیں ۔ انہوں نے کہا کہ ملاقات کے حوالے سے مرکزی قیادت کو رپورٹ کی جائےگی،امید ہے جلد حتمی فیصلہ ہو جائے گا۔
