لاہور : معاشی تجزیہ کار مزمل اسلم نے کہا ہے کہ مالیاتی طور پر ہمارا بریک ڈاؤن ہوچکا ہے، اس وقت صورتحال بہت تشویشناک ہے۔
لاہور میں میڈیا سے گفتگو کرتے ہوئے ان کا کہنا تھا کہ ایک چھوٹی گاڑی کی قیمت ایک دن میں 5لاکھ بڑھ گئی، حکومت نے کہا تھا کہ آئی ایم ایف کا پروگرام ہوگا تو سب ٹھیک ہوجائے گا۔
مزمل اسلم لگتا ہے حکومت کو آئی ایم ایف نے ہی ڈالر کا کوئی نیا ریٹ دیا ہوا ہے، اس وقت صورتحال بہت تشویشناک ہے، دو دن میں ڈالر16روپے بڑھ گیا ہے۔
بینکوں کے پاس سرمایہ نہیں ہے، معیشت کے لیے ڈالر آکسیجن کی حیثیت رکھتا ہے، ملک کی معیشت میں آکسیجن نہیں آرہی، کاربن ڈائی آکسائیڈ ہی آرہی ہے۔
بجٹ میں حکومت نے10فیصد ٹیکس لگادیا، برآمدات پر ٹیکس لگا دیا، عالمی طور پرسرمایہ کار ذہن بنا چکے ہیں کہ پاکستان دیوالیہ ہوچکا ہے۔
معاشی تجزیہ کار مزمل اسلم نے مزید کہا کہ یہ سگنل اچھا نہیں ہے، حکومت کے پاس روڈ میپ دینے کی صلاحیت نہیں۔
