اسلام آباد : ماہر معاشیات مزمل اسلم نے سوال کیا ہے کہ کیا مہنگائی کے تمام ریکارڈ ٹوٹنے جارہے ہیں؟
تفصیلات کے مطابق ماہر معاشیات مزمل اسلم نے سماجی رابطے کی ویب سائٹ ٹوئٹر پر اپنے بیان میں کہا کہ ملک میں تاریخی مہنگائی پی پی کے 09-2008 اور1973 کےادوارمیں دیکھی گئی، 90کی دہائی میں بھی مہنگائی تھی، سوال یہ ہے کیا تمام ریکارڈ ٹوٹنے جارہےہیں؟
پاکستان میں تاریخی طور پر مہنگائ 2008-9 اور 1973 دونوں پاکستان پیپلز پارٹی کے دور میں دیکھی گئ۰ اس کے علاوہ 90 کی دہائ میں بھی مہنگائ تھی۰ سوال یہ ہے کیا تمام ریکارڈ ٹوٹنے جا رہے ہیں؟ pic.twitter.com/S2XGmTM1ix
— Muzzammil Aslam (@MuzzammilAslam3) June 13, 2022
خیال رہے بجٹ کے بعد مہنگائی کی خوفناک لہر میں کھانے پینے کی اشیا کی قیمتوں میں اضافے نے لوگوں کےہوش اڑا دیئے۔
کراچی میں سبزی اورپھلوں کی قیمتوں میں بیس سے تیس روپے فی کلو اضافہ ہوگیا جبکہ دودھ ایک سو پچاس سےایک سوستر فی لیٹر فروخت کیا جا رہا ہے۔
آلو اور پیاز بھی دس روپے فی کلو مہنگی ہوکرساٹھ روپے فی کلو اور ٹماٹر بھی سوروپے فی کلو کر دیئے گئے جبکہ بکرے کا گوشت اٹھارہ سو روپے فی کلو، گائے کا گوشت بغیر ہڈی گیارہ سواور ہڈی والا نو سو روپے فی کلو میں فروخت کیا جارہا ہے۔
