اسلام آباد : ماہرمعاشیات مزمل اسلم کا کہنا ہے کہ اسحاق ڈار نے یو ایس سیکرٹری سے شکایت کردی ہے کہ آئی ایم ایف ہمارے ساتھ زیادتی کررہا ہے۔

تفصیلات کے مطابق ماہرمعاشیات مزمل اسلم نے اے آر وائی نیوز کے پروگرام باخبر سویرا میں گفتگو کرتے ہوئے کہا کہ اسحاق ڈار اس وقت کش مکش میں پھنس چکے ہیں، عالمی مارکیٹ میں پٹرول کی 15 دن پہلے جو قیمت تھی اس میں فرق آیا ہے۔

مزمل اسلم کا کہنا تھا کہ 15 دن پہلے روپے کی قدر 278 تھی وہ کم ہوکر اب 260 ہوگئی ہے، پچھلے دنوں جب اسحاق ڈار پٹرول کی قیمت بڑھنے نہیں دے رہے تھے توایکسچینج لاس تھا ، اس بار انہوں نے پٹرول کی قیمت میں ایکسچینج لاس کو ایڈجسٹ کیا ہے۔

ماہرمعاشیات نے کہا کہ اسحاق ڈار شکایت کر رہے کہ آئی ایم ایف روزہم سے نئی ڈیمانڈز کررہا ہے، اسحاق ڈار نے یو ایس سیکرٹری سے شکایت کردی کہ آئی ایم ایف ہمارے ساتھ زیادتی کررہا ہے۔

انھوں نے حکومت پاکستان اور اسحاق ڈار سے یکجہتی کا اظہارکیا۔