پی ٹی آئی رہنما اور ماہر معاشیات مزمل اسلم نے کہا ہے کہ سنا تھا کہ قطر سے ایل این جی کا معاہدہ ہونا تھا اور 3 ارب ڈالرز فوری ملنے تھے۔
پاکستان تحریک انصاف کے رہنما اور وزارت خزانہ کے سابق ترجمان مزمل اسلم نے وزیراعظم شہباز شریف کے دورہ قطر کے حوالے سے سماجی رابطوں کی ویب سائٹ ٹوئٹر پر ردعمل کا اظہار کیا ہے۔
اے آروائی نیوز براہِ راست دیکھیں live.arynews.tv پر
مزمل اسلم نے اپنے ٹوئٹ میں لکھا ہے کہ قطر سے ایل این جی کا معاہدہ ہونا تھا اور 3 ارب ڈالر فوری ملنے تھے، مگر ایسا کچھ سامنے نہیں آیا، صرف ارادہ ظاہر کیا گیا ہے۔
ماہر معاشیات نے کہا کہ یہ امپورٹڈ حکومت کا توقعات سے کم ایک اور غیر ملکی دورہ تھا۔
سنا تھا قطر سے LNG کا معاہدہ ہونا تھا اس کے علاوہ تین ارب ڈالر فوری ملنے تھے۰ مگر ایسا کچھ سامنے نہیں آیا، صرف ارادہ ظاہر کیا گیا ہے۰ ایک اور دورہ توقعات سے کم امپورٹڈ حکومت کا۰ https://t.co/9vXliVDjdB
— Muzzammil Aslam (@MuzzammilAslam3) August 25, 2022
واضح رہے کہ وزیراعظم شہباز شریف قطر کے دو روزہ دورے کے اختتام کے بعد آج وطن واپس پہنچ رہے ہیں۔
یہ بھی پڑھیں: قطر پاکستان میں 3 ارب ڈالر کی فوری سرمایہ کاری پر آمادہ
دورے کے حوالے سے میڈیا میں رپورٹ کیا گیا ہے کہ قطر پاکستان میں 3 ارب ڈالر کی فوری سرمایہ کاری پر آمادہ ہوگیا اور کراچی اوراسلام آباد ائیرپورٹس پر سرمایہ کاری میں دلچسپی کا اظہار کیا۔
