ملتان ویسٹ مینجمنٹ کمپنی میں 29 کروڑ سے زائد کی مالی بےضابطگیوں کا انکشاف ہوا ہے۔
تفصیلات کے مطابق آڈیٹر جنرل کی رپورٹ کے ذریعے سامنے آنے والی بے صابطگیوں میں غیر قانونی ٹینڈرز اور دیگر مالی بےقاعدگیوں کی نشاندہی کی گئی ہے۔
رپورٹ کے مطابق غیر قانونی ٹینڈرز الاٹ کرنے سے سرکاری خزانے کو 6 کروڑ 82 لاکھ روپے کا نقصان ہوا، عید کے دوران کرائے پر مشینری لینے میں 2 کروڑ 31 لاکھ کی مشکوک ادائیگیاں کی گئیں۔
- Advertisement -
آڈٹ رپورٹ میں کہا گیا ہے کہ فیول کی مشکوک ادائیگیوں کے ذریعے قومی خزانے کو 18 کروڑ 18 لاکھ کا نقصان پہنچایا گیا، تھرڈ پارٹی ورکرز کی بھرتیوں میں 2 کروڑ 39 لاکھ کی بےضابطگیاں ہوئیں۔
