میانمار : فوجی ہیلی کاپٹروں نے اسکول پر گولیاں برسادیں، جس سے چھ بچے ہلاک اور سترہ زخمی ہوگئے۔
تفصیلات کے مطابق میانمار میں سیگونگ کے گاؤں میں فوجی ہیلی کاپٹر نے اسکول پر اندھا دھند فائرنگ کردی۔
فائرنگ سے چھ بچے ہلاک اور سترہ زخمی ہوئے، فائرنگ کے بعد فوجیوں نے عمارت میں داخل ہوکر تلاشی بھی لی۔
فوجی ترجمان کا کہنا ہے کہ باغی اسکول کی عمارت اور مقامی افراد کو فورسز پر حملوں کے لیے ڈھال کےطورپر استعمال کررہے تھے۔
ترجمان نے بتایا کہ ہیلی کاپٹر تلاشی کیلئے گئے تھے تو اسکول سےان پرفائرنگ کی گئی، جوابی کارروائی میں چند افراد مارے گئے۔
فوجی ترجمان نے کسی عسکریت پسند کی ہلاکت،گرفتاری یا اسلحہ موجود ہونے کا کوئی ثبوت پیش نہیں کیا۔
واضح رہے کہ کئی سال سے مشکلات کے شکار ملک میانمار کی فوج نے منتخب آنگ سان سوچی کی حکومت کا تحتہ الٹ کر اقتدار پر قبضہ کر لیا تھا اور اپنے مخالفین کے خلاف کریک ڈاؤن شروع کر دیا تھا۔
