میانمار میں گزشتہ روز آنے والے خوفناک زلزلے کے باعث مرنے والوں کی تعداد میں مسلسل اضافہ ہورہا ہے۔
غیر ملکی ذرائع ابلاغ کے مطابق میانمار میں گزشتہ روز آنے والے 7.7 شدت کے زلزلے کے جھٹکوں کے باعث تباہ ہونے والی عمارات، مکانوں اور دیگر کے ملبے تلے دب کر لقمہ اجل بننے والوں کی تعداد 1000 سے تجاوز کرگئی۔
منڈالے میں سب سے زیادہ افراد کے مرنے کی اطلاعات ہیں، یہاں کئی عمارتوں اور پلوں کو بھی نقصان پہنچا۔
قیامت خیز زلزلے کے نتیجے میں تھائی لینڈ کے شہر بینکاک میں بھی عمارتوں کو نقصان پہنچا ہے اور میانمار کے دارالحکومت نیپیڈو میں سڑکیں آمد و رفت کے لیے بند ہیں۔
منہدم ہونے والی ایک زیرِ تعمیر عمارت میں 70 مزدوروں کے پھنسے ہونے کی اطلاع ہے، تاہم امدادی ٹیموں کو سینکڑوں ہلاکتوں کا خدشہ ہے۔
رپورٹ کے مطابق زلزلے کا مرکز میانمار کے شہر منڈلے کے قریب تھا اور زمین میں اس کی گہرائی 10 کلومیٹر تک ریکارڈ کی گئی ہے۔
اطلاعات کے مطابق میانمار حکومت نے فوری طور پر زیادہ متاثرہ 6 علاقوں میں امدادی کارروائیوں کیلیے ایمرجنسی نافذ کرتے ہوئے فوج تعینات کردی ہے۔
اسرائیلی فورسز کی بمباری، 10 دن میں 900 سے زائد فلسطینی شہید
اس کے علاوہ فوجی حکومت نے عالمی برادری اور امددی تنظیموں سے فوری اقدامات کرتے ہوئے امداد کی پرزور اپیل کی ہے۔
