میانمار کے فوج مخالف علاقے میں ایک جنگی طیارہ گر کر تباہ ہو گیا ہے، حادثے میں پائلٹ بھی ہلاک ہو گیا۔
تفصیلات کے مطابق میانمار میں بدھ کے روز معمول کی تربیت کے دوران ایک فوجی جنگی طیارہ حادثے کا شکار ہوگیا، جس میں ایک پائلٹ کی موت ہوگئی۔
فوج کے ترجمان نے میڈیا کو بتایا کہ جنگی طیارہ بدھ کے روز صبح کے وقت ساگانگ علاقے میں اوہان تاؤ گاؤں کے مشرق میں ایک جھیل میں گر کر تباہ ہوا۔
ترجمان کے مطابق ایک سیٹ والے جنگی طیارے میں کوئی تکنیکی خرابی پیدا ہوئی تھی، جس کے باعث طیارے کا رابطہ میانمار کی فضائیہ کے ٹاڈا یو ایئربیس سے منقطع ہو گیا تھا، طیارہ چینی ساختہ ماڈل تھا۔
The jet, flying from Tada-U air force base near Mandalay, "lost contact about 10:43 am this morning (0413 GMT)," and later crashed in Sagaing region, the statement said, adding search and rescue operations for the pilot had begun. #jakpost https://t.co/3K8mSTFwi6
— The Jakarta Post (@jakpost) February 16, 2022
رپورٹس کے مطابق یہ حادثہ ساگانگ قصبے کے ایک ایسے علاقے میں پیش آیا ہے جہاں میانمار کی فوج اور فوجی حکومت کی مخالفت آج بھی جاری ہے، ایک مقامی ریسکیو کارکن نے بتایا کہ جائے حادثہ سے ملنے والے جسم کے اعضا کو ایک فوجی ہیلی کاپٹر کے ذریعے اٹھایا گیا۔
طیارہ گرنے کے باعث زمین پر کوئی جانی نقصان نہیں ہوا، واضح رہے کہ ساگانگ ریجن میانمار کے 7 انتظامی علاقوں میں سے ایک ہے اور حکمران فوج کے خلاف مسلح مزاحمت کا گڑھ ہے۔