سعودی عرب میں موجود عجیب الخلقت پرندے نے دیکھنے والوں کو حیران کردیا، جس کی ویڈیو سوشل میڈیا پر گردش کررہی ہے۔
سامنے آنے والی ویڈیو میں دیکھا جاسکتا ہے کہ ایک شہری ایک پرندہ دکھا تے ہوئے کہہ رہا ہے ’اس نے عجیب و غریب شکل کا یہ پرندہ اس سے پہلے کبھی نہیں دیکھا تھا۔
عجیب الخلقت پرندے کی ویڈیو سامنے آنے کے بعد سوشل میڈیا صارفین کی جانب سے بھی مختلف سوالات کئے جارہے ہیں۔
ایک صارف کا کہنا تھا کہ سعودی عرب میں یہ پرندہ نہیں ہوتا۔ یہاں السبد نامی جو پرندہ پایا جاتا ہے۔ اس کا رنگ چمکیلا ہوتا ہے اور وہ رات کا نایاب پرندہ ہے۔
متداول :
رجل من خميس مشيط .. يعثر على طائر غريب pic.twitter.com/k2HPgEj6dt— هيئة المشاهير (@Celebrty_0) October 16, 2023
ایک اور صارف نے اس پر بات کرتے ہوئے کہا کہ یہ پرندہ ’السبد‘ کہلاتا ہے۔ اس کا لقب ’ملھی الرعیان‘ ہے۔ یہ پرندہ خود کو بیمار یا زخمی ظاہر کرتا ہے۔ اسے دیکھ کر یہ تاثر ملتا ہے کہ یہ اڑ نہیں سکتا۔
ایکس اکاؤنٹ پر جنگلی حیاتیات کے قومی مرکز کا اس پر بات کرتے ہوئے کہنا تھا کہ یہ السبد نسل کے پرندوں میں سے ایک ہے جسے مقامی لوگ ’ملھی الرعیان‘ کے نام سے جانتے ہیں۔
اس قسم کے پرندے سعودی عرب میں نقل مکانی کرکے پہنچتے ہیں، اس کی بعض نسلیں مملکت کے جنوب مغرب کے پہاڑی علاقوں میں موجود ہیں
واضح رہے کہ السبد کے نام سے منسوب یہ پرندہ دنیا بھر میں پایا جاتا ہے، اس کے پر لمبے اورسنہرے رنگ کے ہوتے ہیں،اس نسل کے بیشتر پرندوں کے پنجے چھوٹے ہوتے ہیں۔
