بیجنگ : چاند پر موجود چینی روور "یوٹو 2 روور” نے چاند کے ایک مقام پر ‘چکور’ سی عجیب و غریب شے دریافت کی ہے۔
غیر ملکی میڈیا کے مطابق سنہ 2019 سے چاند پر موجود چینی خلائی گاڑی "یوٹو 2 روور” چاند کے شمالی حصّے میں پراسرار شے کی تصویر کیمرے میں محفوظ کی ہے۔
پراسرار شے کی تصاویر صحافی اینڈریو جونز نے ٹوئٹر پر شیئر کی جو چینی خلائی پروگرام کے حوالے خبریں شیئر کرتے رہتے ہیں۔
پہلی تصویر میں صحافی نے لکھا کہ یوٹو 2 نے چاند پر ایک چکور شکل کی شے دریافت کی ہے جو چاند کے شمالی حصّے میں روور سے 80 میٹر کی دوری پر ہے، یہ تصاویر خلائی جہاز کے ایک کیمرے سے لی گئی ہے۔
رپورٹ کے مطابق جیسے جیسے روور قریب آتا جائے گا، ماہرین کے لیے اس چیز کی اصل نوعیت کو سمجھنے کے لیے بہتر تصاویر لے سکے گا، البتہ بہت سے لوگوں نے اس پراسرار شے کو چاند کی چٹان قرار دیا ہے کیوں کہ چاند کی سطح پر گڑھے بھی موجود ہیں۔
غیر ملکی میڈیا کے مطابق چینی خلائی گاڑی یوٹو 2 مزید دو سے تین ماہ اس شے کی تصدیق کرے گا۔
Ah. We have an update from Yutu-2 on the lunar far side, including an image of a cubic shape on the northern horizon ~80m away from the rover in Von Kármán crater. Referred to as "神秘小屋" ("mystery house"), the next 2-3 lunar days will be spent getting closer to check it out. pic.twitter.com/LWPZoWN05I
— Andrew Jones (@AJ_FI) December 3, 2021
