ترکی میں آنے والے تباہ کن زلزلے میں معجزانہ طور پر بچ جانے والی ننھی پری کو 54 دن بعد ماں سے ملوا دیا گیا۔
فروری میں آنے والے خوفناک زلزلے کے نتیجے میں کمسن بچی 128 گھنٹے تک ملبے میں زندہ رہی تھی جسے ریسکیو اہلکاروں نے بحفاظت نکال کر اسپتال منتقل کیا تھا۔
ترک انادولو ایجنسی کے مطابق ساڑھے تین ماہ کی ویتن بیگد اپنی والدہ یاسمین بیگداس کے ساتھ دوبارہ مل گئی جو ہاتے میں زلزلے کے بعد سے لاپتہ تھیں۔
54 günlük hasret sona erdi.😊
Enkaz altından 128 saat sonra kurtulan, hemşirelerimizin Gizem Bebek ismini koyduğu Vetin Begdaş 54 gün sonra annesine kavuştu.
Vetin artık bizim de bebeğimiz.
Bakanlık olarak desteğimiz her zaman yanında olacak. pic.twitter.com/66sWKR53z3
— Derya Yanık (@deryayanikashb) April 3, 2023
طبی حکام نے اسے Gizem (اسرار) کا نام دیا تھا جنہوں نے اسے بچانے کے بعد اس کی دیکھ بھال کی۔ ملک کے خاندانی اور سماجی خدمات کے وزیر ڈیریا یانک نے ڈی این اے ٹیسٹ کے ذریعے رشتہ ثابت ہونے کے بعد ماں اور بچی کو ملا دیا۔
یانک نے کہا کہ دنیا کے سب سے انمول کاموں میں سے ایک ماں کو اپنے بچے سے ملانا ہے اس خوشی کا حصہ بننا ہمارے لیے بھی بہت معنی رکھتا ہے۔
زلزلے میں بچے کے والد اور اہل خانہ کے دو افراد بھی جاں بحق ہوئے تھے۔