لندن: ایک برطانوی پروفیسر نے چین میں دائرے میں مسلسل 12 دن تک گھومنے والی بھیڑوں کا راز دریافت کر لیا۔
غیر ملکی میڈیا رپورٹس کے مطابق شمالی چین کے علاقے منگولیا میں بھیڑوں کے ایک فارم سے سامنے آنے والی ’پراسرار‘ ویڈیو دنیا بھر میں زیر بحث ہے۔
ویڈیو میں سینکڑوں بھیڑوں کو ایک دائرے میں مسلسل چلتے ہوئے دیکھا جا سکتا ہے، جانوروں کے رویوں پر کام کرنے والے ماہرین بھیڑوں کے اس عمل کی وجہ سمجھنے کی کوششوں میں لگے ہوئے ہیں۔
اب تک کئی قسم کی رائے سامنے آ چکی ہے تاہم برطانوی یونیورسٹی آف ہارٹپوری کے شعبہ زراعت کے پروفیسر میٹ بل کی جانب سے بھی ایک توجیہہ پیش کی گئی ہے۔
12 دنوں سے دائرے میں گھومنے والی پراسرار بھیڑوں کی ویڈیو وائرل
برطانوی پروفیسر نے یہ معمہ حل کرنے کا دعویٰ کرتے ہوئے کہا ہے کہ شاید بہت طویل دورانیے کے لیے ان بھیڑوں کو فارم کے اندر رہنا پڑا ہے، اس لیے وہ اس قسم کی حرکت پر مجبور ہوئی ہیں، وہ ایک محدود احاطے میں بند ہیں اس لیے یہ ایک دائرے میں حرکت کرنے لگی ہیں۔
انھوں نے مزید وضاحت کی کہ بھیڑ ریوڑ کی شکل میں رہنے والا جانور ہے، اور یہ وہی کرتی ہے جو ریوڑ کی دوسری بھیڑیں کرتی ہیں۔
واضح رہے کہ ماہرین کا کہنا ہے کہ بھیڑوں کے ہاں ہرڈ مینٹیلیٹی یعنی گروپ یا ریوڑ والی نفسیات پائی جاتی ہیں، اور ان کی نقل و حرکت اسی حساب سے ہوتی ہے۔ بھیڑیں درندوں اور دیگر خطرات سے نمٹنے کے لیے مل کر حرکت کرتی ہیں۔
The great sheep mystery! Hundreds of sheep walk in a circle for over 10 days in N China’s Inner Mongolia. The sheep are healthy and the reason for the weird behavior is still a mystery. pic.twitter.com/8Jg7yOPmGK
— People’s Daily, China (@PDChina) November 16, 2022
