ٹنڈوالہٰیار : 12 سالہ بچے کے قتل کا ڈراپ سین ہوگیا، پولیس نے قاتلوں سے متعلق اہم انکشاف کیا۔
تفصیلات کے مطابق ٹنڈوالہٰیار میں تھانہ ڈاسوڑی کی حدود میں 12 سالہ بچے کےقتل کا ڈراپ سین ہوگیا۔
ایس ایس پی ابریزعباسی نے انکشاف کیا چچاؤں نے بھتیجے کو مبینہ زیادتی کا نشانہ بنانے کے بعد قتل کیا، ایس ایس ٹنڈوالہٰیار کی کرائم سین ٹیم نے قتل میں ملوث 3 ملزمان کو گرفتارکرلیا ہے۔
- Advertisement -
ابریزعباسی کا کہنا تھا کہ ملزمان میں مقتول کے چچا اور گاؤں کا ایک رہائشی شامل ہے، ملزمان نے ملکر بچے سے مبینہ زیادتی کی، تیز دھارآلے سے قتل کیا۔
ملزما ن نے بچے کو قتل کرکے گنے کی فصل میں دفن کیا تاہم مزید تحقیقات کیلئے میڈیکل ٹیموں نے نمونے حاصل کرلیے ہیں۔
ایس ایس پی ٹنڈوالہٰیار کا کہنا تھا کہ 24 گھنٹے کے اندر قاتلوں تک پہنچنے میں کامیاب ہوگئے۔
