15.3 C
Ashburn
اتوار, مئی 19, 2024
اشتہار

بھارت میں خاتون کے سنسنی خیز قتل کا معمہ حل ہوگیا

اشتہار

حیرت انگیز

بھارت کی ریاست تلگنہ میں خاتون کے سنسنی خیز قتل کا معمہ 8 دن بعد حل ہوگیا اور پولیس نے ملزم کو گرفتار کرلیا۔

میڈیا رپورٹس کے مطابق تلگنہ کے شہر حیدر آباد میں 8 روز قبل خاتون کا بے دردی سے قتل کیا گیا۔ ملزم نے مقتولہ کا سر قلم کیا اور جسم کے ٹکڑے کر کے فریج میں چھپا دیے۔

شہر میں اُس وقت لوگوں میں خوف و ہراس پھیل گیا جب ایک پلاسٹک کی تھیلی میں سے مقتولہ کا سر برآمد ہوا۔ پولیس نے فوراً مقدمہ درج کر کے معاملے کی چھان پین شروع کی۔ سنسنی خیز قتل کی تحقیقات کیلیے 8 مختلف ٹیمیں تشکیل دی گئیں۔

- Advertisement -

پولیس نے خاتون کے سر کی تصاویر والے پوسٹرز کے ذریعے اہل خانہ کی پتا لگایا۔ مقتولہ کی شناخت انورادھا کے نام سے ہوئی جن کی بہن نے بتایا کہ وہ ایک نرس تھیں اور لوگوں کو سود پر رقم دیا کرتی تھی، انہیں پیسوں کیلیے قتل کیا گیا۔

اہل خانہ کی اطلاع پر پولیس نے ملزم چندرمولی کو گرفتار کر لیا جس نے بعد میں اعترافِ جرم کیا۔ اس نے پولیس کو بتایا کہ انورادھا کے جسم کے ٹکڑے میں نے اپنے فریج میں چھپا رکھے ہیں۔

پولیس نے چندرمولی کے گھر پہنچ کر فریج سے مقتولہ کی لاش کے ٹکڑے برآمد کر لیے۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں