The news is by your side.

Advertisement

کراچی بڑی تباہی سے بچ گیا، پنجاب سے بارودی مواد منتقل کرنے کوشش ناکام

کراچی: پولیس نے پنجاب سے بارودی مواد کراچی لانے کی کوشش ناکام بناتے ہوئے تین ملزمان کو گرفتار کرلیا اور کہا غیرقانونی بارودی مواد کا تخریبی کارروائیوں میں استعمال خارج ازامکان نہیں۔

تفصیلات کے مطابق کراچی بڑی تباہی سے بچ گیا ، پنجاب سے بارودی مواد کراچی لانے کی کوشش ناکام بنادی گئی۔

خیرپور میں پولیس نے بڑی کارروائی کرتے ہوئے تین ملزمان گرفتار کرلئے اور کنٹینر کے خفیہ خانوں سے بھاری مقدار میں بارودی مواد برآمد کرلیا۔

تعمیراتی شعبے کے لیے قانونی طور پر بارود حاصل کرکے اسے غیر قانونی فروخت کرنے کا بھی انکشاف سامنے آیا ، پولیس حکام کا کہنا ہے کہ غیر قانونی بارودی مواد کا تخریبی کاروائیوں میں استعمال بھی خارج از امکان نہیں۔

ابتدائی تفتیش کے مطابق برآمد بارودی مواد پنجاب سے لایا جارہا تھا اور کراچی پہنچایا جانا تھا تاہم گرفتار ملزمان سے مزید تفتیش کی جارہی ہے۔

Comments

یہ بھی پڑھیں