The news is by your side.

Advertisement

امریکا جزیرہ نما کوریا کے پرامن ماحول کو نقصان پہنچانے کی کوشش کررہا ہے، شمالی کوریا

پیانگ یانگ: امریکی صدر ڈونلڈ ٹرمپ اور شمالی کوریا کے رہنما کے درمیان ملاقات کے چند روز بعد ہی شمالی کوریا نے الزام عائد کیا ہے کہ امریکا جزیرہ نما کوریا کے پر امن ماحول کو نقصان پہنچانے کی کوشش کررہا ہے۔

برطانوی خبررساں ادارے کے مطابق اقوام متحدہ میں شمالی کوریا کے مشن نے کہا ہے کہ امریکا بات چیت کے باوجود دشمنی پر تلا ہوا ہے اور امریکا کو پابندیاں لگانے کا جنون ہے۔

شمالی کورین وفد نے اقوام متحدہ کے تمام ممبران کو خبردار کیا کہ امریکا کی جانب سے جان بوجھ کر شمالی کوریا کے پر امن ماحول کو خراب کرنے کی کوشش سے محتاط رہنا ہوگا۔

واضح رہے کہ امریکا، فرانس جرمنی اور برطانیہ کی جانب سے اقوام متحدہ کے تمام ممبران کو خط بھیجا گیا ہے جس میں شمالی کوریا پر مزید پابندیوں اور شمالی کوریا کے ورکرز کو ملک بدر کرنے کا مطالبہ کیا گیا ہے۔

مزید پڑھیں: ڈونلڈ ٹرمپ شمالی کوریا میں قدم رکھنے والے پہلے صدر بن گئے

خیال رہے کہ 30 جون کو ڈونلڈ ٹرمپ نے شمالی کوریا کی سرزمین پر قدم رکھنے والے پہلے امریکی صدر کا اعزاز حاصل کیا تھا۔

امریکی صدر ڈونلڈ ٹرمپ نے شمالی اور جنوبی کوریا کے غیر فوجی علاقےمیں ہونے والی تاریخی ملاقات کے موقع پر کہا تھا کہ ’یہ تاریخی لمحات میرے ’قابل فخر‘ ہیں۔

شمالی کوریا کے سربراہ کا کہنا تھا کہ ’دوبارہ ملاقات کرکے خوشی ہوئی، امید نہیں تھی کہ اس مقام پر ملیں گے‘۔

Comments

comments

یہ بھی پڑھیں