اسلام آباد: وزیراعظم کےمعاون خصوصی آصف کرمانی کاکہناہےکہ قطری شہزادےکی تصدیق جے آئی ٹی رپورٹ کاحصہ بننےتک تفتیش نامکمل ہوگی۔
تفصیلات کےمطابق جوڈیشل اکیدمی کےباہر میڈیا سے گفتگو کرتےہوئےوزیراعظم کےمعاون خصوصی آصف کرمانی نےکہاکہ جےآئی ٹی نےلندن میں لیگل فرم کی خدمات حاصل کی ہیں جبکہ متعلقہ دستاویزپہلے ہی سپریم کورٹ میں جمع ہیں۔
آصف کرمانی نے کہاکہ جےآئی ٹی سپریم کورٹ سے بھی کاغذات لے سکتی تھی۔ انہوں نےکہاکہ قطری شہزادےنےخط بھیجاجس میں منی ٹریل کی تصدیق کی گئی۔
وزیراعظم کےمعاون خصوصی نے کے جے آئی ٹی کے لیے محترمہ کا لفظ استعمال کرتےہوئےکہاکہ جےآئی ٹی کی کارروائی یکطرفہ تماشا ہے۔
آصف کرمانی نےکہاکہ کچھ لوگوں کوہماری شکلیں پسند نہیں،ہم یہ تبدیل نہیں کرسکتے۔انہوں نےکہاکہ عمران خان کی خواہش تھی نوازشریف کونااہل قراردیاجائے۔
مسلم لیگ ن کے رہنما کا کہناتھاکہ ہمیں انصاف دیاجائے کھیل مت کھیلا جائے، یہ دھمکی نہیں،کروڑوں ورکرزکےجذبات سےآگاہ کررہاہوں۔
واضح رہےکہ آصف کرمانی نے کہاکہ نوازشریف کانام پاناماپیپرز میں نہیں ہےجن کے پاناماپیپرزمیں نام ہیں وہ کھلے عام گھوم رہے ہیں۔
