عام انتخابات 2024 میں امیدواروں کی قسمت کا فیصلہ جلد ہونے والا ہے، مختلف پولنگ اسٹیشنز سے غیرحتمی نتائج آنے کا سلسلہ جاری ہے۔
اے آر وائی نیوز نے ہمیشہ کی طرح اپنی روایت برقرار رکھتے ہوئے عوام تک بروقت مستند نتائج پہنچانے کا سلسلہ بھرپور طریقے سے جاری رکھا ہوا ہے۔
این اے 151 ملتان کے 101 پولنگ اسٹیشنز سے سامنے آنے والے غیرحتمی و غیرسرکاری نتائج کے مطابق مہربانو قریشی کو ن لیگی حریف پر واضح برتری حاصل ہے
- Advertisement -
تحریک انصاف کی حمایت یافتہ امیدوار مہربانو قریشی غیرحتمی و غیرسرکاری نتائج کے مطابق 36721 ووٹ لیکر آگے ہیں۔
اس حلقے سے پاکستان مسلم لیگ (ن) کے عبدالغفار ڈوگر غیرسرکاری نتیجے کے مطابق 25839 ووٹ لیکر پیچھے ہیں۔
