صدر مملکت آصف علی زرداری کی صاحبزادی آصفہ بھٹو زرداری نے قومی اسمبلی کے حلقہ این اے 207 پر ضمنی الیکشن کیلیے کاغذات نامزدگی جمع کروا دیے۔
آصفہ بھٹو زرداری نے نوابشاہ میں ریٹرننگ افسر کے دفتر پہنچ کر نامزدگی فارم جمع کروائے۔ اس موقع پر وزیر صحت سندھ ڈاکٹر عذرا فضل پیچوہو اور دیگر پارٹی رہنما موجود تھے۔
این اے 207 سے عام انتخابات 2024 میں آصف علی زرداری منتخب ہوئے تھے تاہم صدر مملکت منتخب ہونے کے بعد انہوں نے یہ نشست خالی چھوڑ دی تھی۔
متعلقہ: پیپلز پارٹی کا آصفہ بھٹو کو ضمنی الیکشن لڑانے کا فیصلہ
گزشتہ روز صدر مملکت نے این اے 207 پر ضمنی الیکشن کیلیے اپنی صاحبزادی کو نامزد کیا تھا۔ آصف علی زرداری نے پارٹی رہنماؤں کو بیٹی کی انتخابی مہم شروع کرنے کی ہدایت بھی کی تھی۔
دوسری جانب چیئرمین پاکستان پیپلز پارٹی بلاول بھٹو زرداری کی این اے 196 کی چھوڑی نشست پر ان کے چیف پولنگ ایجنٹ خورشید جونیجو امیدوار ہوں گے۔ این اے 196 قمبر شہداد کوٹ میں ضمنی الیکشن اپریل میں ہوں گے۔
