منگل, جون 18, 2024
اشتہار

این اے 240 کے تمام پولنگ اسٹیشن حساس قرار

اشتہار

حیرت انگیز

کراچی: این اے 240 میں ضمنی انتخاب کے سلسلے میں تمام پولنگ اسٹیشنز حساس قرار دے دیے گئے ہیں۔

تفصیلات کے مطابق الیکشن کمیشن آف پاکستان نے کراچی کے انتخابی حلقے این اے 240 کورنگی ٹو کے تمام پولنگ اسٹیشن حساس قرار د دیے۔

مجموعی طور پر 309 پولنگ اسٹیشنوں میں سے 203 پولنگ اسٹیشن انتہائی حساس قرار، جب کہ 106 پولنگ حساس قرار دیے گئے ہیں۔

- Advertisement -

رپورٹ کے مطابق این اے 240 میں کوئی بھی پولنگ اسٹیشن نارمل نہیں ہے، کورنگی کے علاقے میں 182 اور لانڈھی میں 127 پولنگ اسٹیشن قائم کیے جا چکے ہیں۔

ریٹرننگ افسر عبدالرزاق کی جانب سے پولنگ اسکیم جاری کر دی گئی ہے، 5 لاکھ 29 ہزار 855 ووٹرز اپنا حق رائے دہی استعمال کریں گے، جب کہ پولنگ کے لیے 100 مرد، 99 خواتین اور 110 مشترکہ پولنگ اسٹیشنز ہوں گے۔

گزشتہ روز الیکشن کمیشن نے چیف سیکریٹری کو مراسلہ ارسال کر کے ہدایت کی تھی کہ کسی بھی ناخوش گوار واقعے کے پیش نظر پولنگ اسٹیشن پر سی سی ٹی وی کیمرے لگائے جائیں۔

الیکشن کمیشن کا کہنا تھا کہ سی سی ٹی وی کیمروں کی تنصیب سے پولنگ کے عمل کو شفاف بنانے میں مدد ملے گی، سندھ حکومت سے درخواست کی گئی کہ ڈپٹی کمشنر کورنگی کو اس حوالے سے فوری انتظامات کرنے کی ہدایات جاری کی جائیں۔

Comments

اہم ترین

انور خان
انور خان
انور خان اے آر وائی نیوز کراچی کے لیے صحت، تعلیم اور شہری مسائل پر مبنی خبریں دیتے ہیں

مزید خبریں