spot_img

تازہ ترین

سینیٹ کے انتخابات 3 اپریل کو کرانے کا امکان

الیکشن کمیشن نے ایوان بالا (سینیٹ) کے عام انتخابات...

روسی صدر پیوٹن کی وزیراعظم شہباز شریف کو مبارکباد

روس کے صدر ولادیمیر پیوٹن نے شہباز شریف کو...

امریکا وزیراعظم شہباز شریف کیساتھ مشترکہ مفادات آگے بڑھانے کا خواہاں

واشنگٹن : امریکی محکمہ خارجہ کے ترجمان میتھو ملر...

وزیراعلیٰ کے پی آج اڈیالہ جیل میں بانی پی ٹی آئی سے ملاقات کریں گے

وزیراعلیٰ خیبر پختونخوا علی امین گنڈاپور آج اڈیالہ جیل...

این اے 54، آزاد امیدوار بیرسٹر عقیل ملک ن لیگ میں شامل ہوگئے

راولپنڈی: قومی اسمبلی کے حلقے این اے 54 راولپنڈی سے منتخب ہونے والے آزاد امیدوار بیرسٹر عقیل ملک نے مسلم لیگ ن میں شمولیت کا اعلان کردیا۔

اے آر وائی نیوز کے مطابق آزاد امیدوار بیرسٹر عقیل نے ویڈیو بیان میں کہا کہ یہ نشست نواز شریف کی امانت تھی، پارٹی کو تحفے میں دے دی۔

انہوں نے کہا کہ یہ نشست نواز شریف کی تھی اور آئندہ بھی رہے گی، سب شیروں کو ن لیگ کی فتح مبارک ہو۔

دوسری جانب پی ایس 3 جیکب آباد سے جیتنے والے آزاد امیدوار ممتاز جکھرانی پیپلزپارٹی میں شامل ہوگئے۔

میر ممتاز جکھرانی نے کہا کہ وقتی ناراضگی تھی، پی پی خاندان کا حصہ تھا اور رہوں گا، کامیابی بلاول بھٹو اور آصف زرداری کے نام کرتا ہوں۔

واضح رہے کہ الیکشن کمیشن نے قومی اسمبلی کی 265 میں سے 255 نشستوں کے نتائج کا اعلان کردیا ہے۔

الیکشن کمیشن کا کہنا ہے کہ آزاد امیدوار 100، ن لیگ 73، پیپلزپارٹی 54 نشستوں پر کامیاب ہوئی ہے جبکہ ایم کیو ایم 17، جے یو آئی اور ق لیگ 3، 3 نشستوں پر کامیاب ہوئے ہیں۔

استحکام پاکستان پارٹی 2، مسلم لیگ ضیا، ایم ڈبلیو ایم اور بی این پی نے ایک، ایک نشست جیتی ہے۔

Comments

- Advertisement -