اسلام آباد: الیکشن کمیشن نے این اے 64 گجرات کا حتمی نتیجہ جاری کرنے سے روک دیا ہے۔
اے آر وائی نیوز کے مطابق الیکشن کمیشن نے چوہدری سالک حسین کو 15 فروری کو طلب کرلیا، الیکشن کمیشن نے قیصرہ الٰہی کی درخواست پر تحریری حکم نامہ جاری کیا ہے۔
الیکشن کمیشن نے این اے 64 گجرات کے آر او سے تین دن میں جواب طلب کیا ہے۔
ای سی نے آر او کو قیصرہ الٰہی یا وکیل کی موجودگی میں فارم 47 تیار کرنے کی ہدایت کرتے ہوئے کہا ہے کہ ڈی پی او گجرات یقینی بنائیں کہ فارم 47 کے لیے کوئی رکاوٹ نہ ڈالی جائے۔
الیکشن کمیشن نےاین اے64گجرات کاحتمی نتیجہ جاری کرنےسےروک دیا#ARYNews pic.twitter.com/9pF8UG3srj
— ARY NEWS (@ARYNEWSOFFICIAL) February 10, 2024
الیکشن کمیشن کے تحریری حکم نامے میں کہا گیا ہے کہ آر او قیصرہ الٰہی کے تحفظات سن کر ازالہ کرے۔
واضح رہے کہ این اے 64 گجرات کے غیر حتمی غیر سرکاری نتیجے کے مطابق مسلم لیگ (ق) کے صدر چوہدری شجاعت حسین کے بیٹے چوہدری سالک حسین نے ایک لاکھ 5 ہزار 205 ووٹ حاصل کرکے کامیابی حاصل کی ہے جبکہ قیصرہ الہیٰ نے 80 ہزار 946 ووٹ لے سکیں۔
