عام انتخابات 2024 میں امیدواروں کی قسمت کا فیصلہ جلد ہونے والا ہے، مختلف پولنگ اسٹیشنز سے غیرحتمی نتائج آنے کا سلسلہ جاری ہے۔
اے آر وائی نیوز نے ہمیشہ کی طرح اپنی روایت برقرار رکھتے ہوئے عوام تک بروقت مستند نتائج پہنچانے کا سلسلہ بھرپور طریقے سے جاری رکھا ہوا ہے۔
این اے 71 سیالکوٹ کے 18 پولنگ اسٹیشن سے سامنے آنے والے غیرحتمی و غیرسرکاری نتائج کے مطابق ووٹوں کی دوڑ میں آزاد امیدوار ریحانہ ڈار ن لیگ کے خواجہ آصف سے آگے ہیں۔
تحریک انصاف کی حمایت یافتہ امیدوار ریحانہ امتیازڈار غیرحتمی و غیرسرکاری نتائج کے مطابق 8605 ووٹ لیکر آگے ہیں۔
اس حلقے سے پاکستان مسلم لیگ (ن) کے خواجہ محمد آصف غیرسرکاری نتیجے کے مطابق 6788 ووٹ لیکر پیچھے ہیں۔
