اسلام آباد : اسپیکر قومی اسمبلی اسد قیصر نے کہا ہے کہ مقبوضہ وادی میں مسلسل کرفیو سے لوگ بنیادی حقوق سے محروم ہیں، موجودہ حکومت مسئلہ کشمیر کی آواز ہر فورم پر اٹھائے گی۔
ان خیالات کا اظہار انہوں نے اسلام آباد میں لیزر ارینا کے ایف نائن پارک کی افتتاحی تقریب سے خطاب کرتے ہوئے کیا، اسد قیصر نے کہا کہ مقبوضہ کشمیر پر دنیا کی تاریخ میں نیا المناک باب رقم ہورہا ہے۔
اسپیکر قومی اسمبلی نے کہا کہ مقبوضہ وادی میں مسلسل کرفیو سے لوگ بنیادی حقوق سے محروم ہیں، امت مسلمہ کی ذمہ داری ہے کہ کشمیریوں کے ساتھ کھڑے ہوں، مودی ہٹلر کے فلسفے پر چل رہا ہے۔
انہوں نے کہا کہ بھارت میں متنازعہ قانون سے مسلمانوں میں بےچینی ہے، بھارت میں کالا قانون پاس کیا گیا ہے، بھارت میں جتنا ظلم ہو رہا دنیا دیکھ رہی ہے۔
اسپیکر قومی اسمبلی اسد قیصر نے کہا کہ حکومت مسئلہ کشمیر کی ہر فورم پر آواز اٹھائے گی، چیف الیکشن کمشنر کا مسئلہ جلد حل ہو جائے گا، حکومت اور اپوزیشن کی ذمہ داری ہے، مسئلہ پارلیمنٹ میں حل کرے۔
اُنہوں نے مزید کہا کہ چیف الیکشن کمشنر کا مسئلہ جلد حل ہو جائے گا، حکومت اور اپوزیشن کی ذمہ داری ہے کہ مسلہ پارلیمنٹ میں حل کرے۔
