اسلام آباد : قومی اسمبلی میں آج بی جے پی رہنماؤں کے توہین آمیز بیانات پربحث ہوگی اور مذمتی قرارداد منظور کی جائے گی۔
تفصیلات کے مطابق قومی اسمبلی اجلاس آج شام 4بجے منعقد ہوگا، اجلاس کےآغازمیں بی جے پی رہنماؤں کےتوہین آمیزبیانات پربحث ہوگی۔
قومی اسمبلی میں بی جےپی رہنماؤں کے بیانات پرمذمتی قرارداد بھی منظورکی جائے گی، جس کے بعد اجلاس میں اپوزیشن لیڈر راجہ ریاض بجٹ پر بحث کا آغاز کریں گے۔
یاد رہے وزیراعظم شہباز شریف نے ناموس رسالت ﷺ کے معاملے پر پیر کو اسمبلی میں بحث کرانے کی درخواست کرتے ہوئے کہا پوری دنیا کو ہم بتا دینا چاہتے ہیں آقاکریم ﷺکی حرمت کیلئےہرقربانی دینے کو تیار ہیں۔
وزیراعظم کا کہنا تھا کہ دنیاکےسواارب مسلمانوں کےدل کاخون کیاگیا ہے، اس پرتمام مسلمان سراپااحتجاج ہیں ، ہماری عقیدت و محبت کےاس اہم معاملے پر بحث کرائی جائے۔
بعد ازاں اسپیکرقومی اسمبلی پرویز اشرف نے ناموس رسالت ﷺپر بحث کرانے کا فیصلہ کرتے ہوئے اجلاس میں بحث کے لیے ایک گھنٹہ مخصوص کردیا تھا۔
