اسلام آباد: قومی اسمبلی میں حکومتی رکن طارق بشیر چیمہ نے زرتاج گل سے بدتمیزی کی ہے۔
اے آر وائی نیوز کے مطابق اسپیکر ایاز صادق اور ن لیگی رہنما طارق فضل چوہدری نے ایس آئی سی ممبران سے معذرت کی ہے۔
اسپیکر قومی اسمبلی چیمبر میں سنی اتحاد کونسل رہنماؤں کی ملاقات جاری ہے، زرتاج گل اور شاندانہ گلزار نے ایف آئی آر درج کروانے کا مطالبہ کیا ہے۔
- Advertisement -
ذرائع کا بتانا ہے کہ ایس آئی سی ممبران کی جانب سے بجٹ سیشن تک طارق بشیر چیمہ کی بحثییت رکن معطلی کا مطالبہ کیا گیا ہے۔
اسپیکر قومی اسمبلی نے اس سیشن کے اگلے اجلاس تک معطل کرنے کی تجویز دی ہے۔
دوسری جانب سنی اتحاد کونسل نے اسپیکر کے نوٹس نہ لینے کی صورت میں احتجاج کا انتباہ دیا ہے۔
